|
Əziz dostlar! Sumqayıt şəhər İcra hakimiyyətinin internet səhifəsində sizi salamlayır və vaxt ayırıb səhifəmizi ziyarət etdiyinizə görə sizə öz minnətdarlığımı bildirirəm. Sumqayıt şəhər rəhbərliyi ictimaiyyətlə əlaqələr işinə xüsusi diqqət ayırır və Sizə təqdim etdiyimiz bu internet səhifə məhz sizinlə ünsiyyətin daha da təkmilləşdirilməsinə olan ehtiyacdan irəli gəlmişdir. Bu veb-sayt sizə Sumqayıtın həm tarixi, həm də indiki vəziyyəti barədə dolğun məlumat verməklə yanaşı, Sumqayıt şəhər İcra hakimiyyəti ilə online əlaqə yaratmaq imkanı verir. Həmçinin nəzərinizə çatdırmaq istəyirəm ki, səhifəmiz daim yenilənəcək və şəhərdə baş verən ən son hadisələr barədə siz oxucularımıza operativ məlumat verəcəkdir. Ümid edirəm ki, Sumqayıt şəhər İcra hakimiyyətinin yeni internet səhifəsi bütün ziyarətçilərin marağına səbəb olacaq və şəhər sakinlərinin şəhər rəhbərliyi ilə daha sıx ünsiyyət qurmasına şərait yaradacaqdır. Hörmətlə, Vaqif Əliyev Sumqayıt şəhər İcra hakimiyyətinin başçısı
|